INTERNATIONAL KREYOL JOKES DIRECTORY !!!

Té ni an gran nonm ki té ka bré ronm telman ( Ah bon ? sa ka existé ?) ke an jou rivé, missié té boulé an send, an aksidan tombé anlé-y , FLAP !
Pompié mennen-y lopital, dokté a di gran nonm lan :'Nou ké oblijé ba-w 'sérum' pou sové-w'.

Gran nonm-lan réponn : 'Man dakô, man dakô...Mé si sé ronm, ba mwen-y san sik...'

Titim ? ...
... Bwa Sèk !

Ki tan an ti manmay ka wè grenn papay ?
Chèchéééééééééé ...

Lè y ka mangé papay !
(Sa zot té ka pansé, bann malélivé ?!?Mwen espéré ke zot tout sav sa ki an papay !)

Sé an boug ki adan an Ferrari, douvan-y ni an bus épi an kochon.
Poutchi i pé pa doublé yo ?
Chèchéééééééééé ...

Pas i adan an Chouval Bwa !!!

Titim ? ...
... Bwa Sèk !

Tout piti mwen piti, mwen ka abiyé le woi !
Chèchéééééééééé ...

An zédjui !

Sé Ti-Pol avè Izido ki sizé ora Man-Tine
Ti-Pol ka di Izido kon sa :"Alo konsa, fanm pli évolué ki nonm !
Izido gadé Ti-Pol an mannyè : "Ka ou ka di la ? Ola ou pran biten la-sa? Dépi ki tan fanm pli évolué ki nonm ?!

Ti-Paul réponn': "Mé wi mon chè, sé vérité, mwen li sa adan on jounal espécializé de la santé, i té ka di kon sa ke tou lé mwa madanm tini... on périod d'évolusion".

Pou sa ki pa konprann', konsultasion gratuite aka Dr Zouk !.
Zot ja konnet adress la!

An gran nonm' ka rivé "La Rotonde"; i ka mandé twa ti-punch en minm' tan, épi i ka brè yo tout' an minm' tan, piti a piti ... an gout' adan premié-a, an gout adan dézièm-la, an gout adan twazièm'la...

Barman la ka mandé-i poutchi i ka brè ronm-la kon sa, twa par twa .
Gran nonm' la ka di-y : "Mwen ni an frè ki an France, épi an lot ki o Canada. Donc mwen ka brè twa punch, com'si sé frè-mwen té ka siwoté épi mwen."

Pliziè jou ka pasé, é boug-la ka continué ti sik-li-a épi sé twa punch-la.
An jou, i ka rivé an bar-la, épi i ka mandé sèlman deu ti-punch.
Alo barman la ka comprann ni an malheu ki rivé, é i ka di gran nomm-la : "Mes condoléances pour votre frère".
Lot'la ka rété surpri. I ka réfléchi, épi i ka ri, avan i espliké barman-la : "Mé non, pa ni ayen ! Tout moun bien! Si mwen ka pran deu punch, sé paske mwen désidé arété brè rom..."

Titim ? ...
... Bwa Sèk !

Dé moun ka benyen, en sèl ka mouyé! Pouki ???
Chèchéééééééééé ...

Sé an fanm ki ansent épi ti moun-li !

Sé dé boug ka maché an lari-a, épi yonn ni an ti problèm, tout lè i ka palé, i ka ... i ka ... i ka bégéyé.

I ka di kanmarad-li : "Frèr, ga ... ga ... ga... gadé b... b... bel loto-a !!!"
Lot boug-la : "Koté sa ?"
- I ... i ... i za pasé."

Apré an moman, ti boug-la viré di : "Ga ... ga ... gadé bel ... bel ... bel ... chabin-la !!!"
- Koté sa ? Montré mwen-i !"
- I ... i ... i ... i ... i .... i ... i .... za pasé !"

Sé dé boug la ka kontinwé maché, mé tala ki ka palé byen-a ti brin agasé.

Apré an moman, kompè-i ka di-i : " Frèr, ga ... ga ... ga .... ga .... ga ...
- Mwen za wè-i !!!
- E ... é ... é ... ou ... ou ... ou pilé-i kan menm !?!"

Titim ? ...
... Bwa Sèk !

Petit nègre habillé de blanc dans un château vert ?

Le Corossol !

Toujours enceinte, mais jamais accouchée ?

La Lune !

Sé dèyè blag ki ni blag, frè mwen ! Ta la soti Gwadloup, alo kouté pou tend!!! Tendew' gacon!!!

Sé en boug ki désidé genyen an jako (perroquet) ki ka palé Kréyol.

Alo misié koumansé fè yonn dé magazin zibié.Mé chak lè a, i pa ka touvé sa i vlé.
I ka jwenn jako ka palé Fwansé, ka palé Anglé, jis yonn ka palé Alman, mé pa ni moyen jwenn yonn ka palé Kréyol.

Bouwo-a désidé alé adan an denié koté yo ba-y adrès-la. Lè i rivé koté-la-sa, i ka wè an bel jako. Vini i mandé machann-la si i ka palé Kréyol.
Madanm-lan ka di-y konsa : "Mwen pa djè sav si i ka palé Kréyol, mé si ou lévé pat dwèt-li, i ka palé Anglé !

Kompè-a ka lévé pat dwèt-la, é jako-a ka koumansé palé Anglé kon Radio Jamayk !
"How do you do, I love you darling ... An lo Anglé toubonman.

Mé sé pa sa boug-mwen lé. I ka mandé machann-lan si i ka palé Kréyol.
"Mwen pa sav, mé si ou lévé pat goch-li, i ka palé Pangnol !

Kompè-a ka lévé pat goch-la ... Anni di sé Ruben Blades ki rivé !
"Buenas noches mi amor ... Me gusta bailar la salsa... Como estas amigo ...

Sa bèl toubonman, mé sé pa sa boug-mwen anvi. I dekourajé, mé avan i pati, i ka rété épi i ka mandé machann-lan :
'E si ou ka lévé sé dé pat la, sa i ka fè ?

Jako-a rété épi i réponn : " Ou pa wè mwen kay pran an so, sakré kouyon !

Sé an boug ki désann Fodfwans pou vann lédjim-li o marché.

Kompè-a ni an milé, mé sé an bèt ki koriach, ki pa ka djè obéyi.

Lè i fini vann ti yanm-li, misié bizwen viré bo kay-li, me milé-a ka touvé ko-y byen Fodfwans.

O pli boug-la ka ralé milé-a,
o pli milé-a pa ka vansé !

O pli boug-la ka pousé milé-a,
o pli milé-a pa ka boujé !

An nhèd'tan ka pasé kon sa.

Lè ou gadé, boug-la rété i di milé-a :"Si sé kon sa, ou kay wè !

Kompè-a pran an piman, epi i anni krasé-i an tchou milé-a.
Milé-a démaré kon an dragster ! La fimen ka chayé-i !

Boug-la rété estébékoué : "A-a, ga bèt-la fè mwen ! Ki mannyè mwen ké fè jwenn-li aprézan ? Mwen pa sa kouri anko, mwen two vié pou sa ! Sa mwen ka fè ?

An vié madanm rété gadé boug-la, i di-i :"Anni kasé an piman an tchou-w tou !

Adan an miting pou an élèksyon kantonal, yonn sé kandida-a ka ba sé moun-lan bon baboul :
"Voté ba mwen, mwen ké konstui an pon an kartié-a !
An moun ka réponn :
" Meacute; mussieu-a, isi-a pa ni piès lariviè. !

"Voté ba mwen, zot ké ni an lariviè"

Es zot ka di misié kay pasé ???