འཚོལ་བཤེར།   _______________  [seacher.gif]-Submit
   [USEMAP:zi.gif]

   藏文频道
   2014ལོའི་ཟླ་10ཚེས་27ཉིན།
     *
     *
     *
     *
     *

     [F2014102114194180667300772.jpg]
   འཕྲིན་གསར་གཡུ་ཡི་མེ་ལོང་། སྲིད་དོན། རྒྱལ་ནང་གསར་འགྱུར།
   རྒྱལ་སྤྱིའི་གསར་འགྱུར། སྤྱི་ཚོགས། པར་རིས་གསར་འགྱུར། བརྙན་གཟིགས།
   རིག་གནས། ཆོས་ལུགས།
   མི་དམངས་དྲ་བ།

༄༅།།བོད་མི་རིགས་ཀྱིས་སྲོག་ཆགས་ཚེ་ཐར་དུ་གཏོང་བའི་སྐོར།

   གསར་འགྱུར་སྤེལ་དུས། 　【2014ལོའི་ཟླ་ 10ཚེས་27ཉིན། 10:12】
   （རྩོམ་སྒྲིག་འགན་འཁུར་པ། ལྷ་ལུང་།）

       བོད་ཀྱི་དམངས་སྲོལ་རིག་གནས་ལས་ཚེ་ཐར་གཏོང་བའི་ཆོ་ག་འདི་ནི་སྲོལ་བཟང་བོ
   ་ཞིག་དང་། སྲོག་ཆགས་དང་རང་བྱུང་ཁམས་ཆེན་པོར་བཅངས་པའི་ཡ་རབས་ཀྱི་འདུ་ཤེས་འཛ
   ིན་སྟངས་ཤིག་ཡིན། སྤྱིར་ཚེ་ཐར་ཞེས་པ་ནི་ཚེ་ལ་ཐར་བ་གཏོང་བ་དང་ཚེ་ཡི་རྒྱུན་ས
   ྲིང་བའི་ཆོ་ག་ཞིག་ཡིན་ལ། དེ་ནི་སྒོ་ཕྱུགས་ཚེ་ཐར་གཏོང་བ་ལས་གཞན། ད་དུང་དམངས
   ་ཁྲོད་དུ་འགའ་ཞིག་གིས་ལྗོན་ཤིང་ནགས་ཚལ་དང་རི་ཆུ་གཏེར་རྫས་སོགས་རང་བྱུང་གི་
   བཀོད་པར་གནོད་སྐྱོན་ཐེབས་པར་མི་འཇུག་པར། ཡུལ་གྱི་མཛེས་སྡུག་རང་སོར་འཇོག་པ་
   དང་སྲུང་བའི་ལས་སོགས་ལའང་ཚེ་ཐར་དུ་བཏང་ཞེས་བརྗོད་མཁན་ཡོད་ཀྱང་། འདིར་སྒོ་ཕ
   ྱུགས་ཚེ་ཐར་གཏོང་ཚུལ་རགས་ཙམ་བརྗོད་ན། བོད་ཀྱིས་སྒོ་ཕྱུགས་ཚེ་ཐར་དུ་གཏོང་བ�
   ི་དགེ་བ་ནི། གཅིག་ནི་ཕྱུགས་ཀྱི་ཚེ་སྲོག་ལ་འཇིགས་པ་དང་འཚེ་བ་མེད་པར་རང་ཉིད་
   ཀྱི་འཚོ་བ་ལོངས་སུ་སྤྱོད་པར་རང་དབང་ལྡན་ཆེད་སྲོག་གཅོད་པར་མི་བྱེད་པ་དང་། ག
   ཉིས་སུ་བོད་མི་རང་ཉིད་ལ་མཚོན་ན་སྒོ་ཕྱུགས་ཚེ་ཐར་བཏང་བ་ལས་མི་འདོད་པའི་རྐྱེ
   ན་ངན་བཟློག་པ་དང་འཚོ་བ་ཕུན་སུམ་ཚོགས་པ་དང་ཁྱིམ་ཚང་གི་ཕྱི་དོན་ལམ་འགྲོ་ཡོང་
   བ། ཁ་ལས་རླུང་རྟ་དར་ཞིང་འདོད་དོན་ལྟུན་འགྲུབ་ཡོང་བའི་ཆེད་དུ་ཡིན། དེ་བས་ཚེ
   ་ཐར་གཏོང་བ་ནི་མི་ཕྱུགས་གཉིས་ཀར་དགེ་བའི་བྱ་གཞག་ལེགས་པོ་ཞིག་ཏུ་སེམས་བཞིན་
   ཡོད།
        བོད་ཀྱིས་ཚེ་ཐར་གཏོང་བྱའི་སྒོ་ཕྱུགས་ནི་གཙོ་བོ་རྟ་ནོར་ར་ལུག་ཡིན་ལ།ཚེ
   ་ཐར་བཏང་ཟིན་པའི་རྟ་ལ་མི་བཞོན་པ་དང་གཞན་ལ་མི་བཙོང་བ། ཚེ་ཐར་བཏང་ཟིན་པའི་ནོ
   ར་ལ་དོས་མི་འགེལ་བ་དང་མི་བཤའ་བ། མི་བཙོང་བ། རྩིད་པ་མི་འབྲེག་པ། ཚེ་ཐར་བཏང་
   ཟིན་པའི་ར་ལུག་ཡིན་ནའང་མི་བཙོང་བ་དང་།མི་བཤའ་བ་བཅས་ཀྱི་ཐུན་མིན་གྱི་སྲོལ་ཞ
   ིག་མཆིས། གལ་ཏེ་ཚེ་ཐར་བཏང་ཟིན་པའི་སྒོ་ཕྱུགས་ཤིག་ཡིན་ན་རང་ཉིད་ཀྱིས་རྩྭ་ཆུ
   ་བཟང་བོ་བདམས་ནས་རྩྭ་ཆུ་ལ་རང་གཞན་གྱི་དབྱེ་བ་མེད་པར་ལོངས་སུ་སྤྱད་ཆོག་པ་ཡི
   ན་ཞིང་དེ་ལ་མི་འདོད་པའི་འཚེ་བ་བྱེད་མཁན་ཡང་མེད་པ་ཡིན།
        སྔོན་ལྟར་ན། བོད་མིས་ཚེ་ཐར་གཏོང་བའི་ཆོ་ག་སྤེལ་ཚུལ་ལ། ཁྱིམ་མི་དང་གཉེ
   ན་ཉེ་སུ་ཞིག་གི་ཚེ་ལ་བར་ཆད་འབྱུང་ཉེན་ཆེ་བའི་ན་ཚ་སོགས་བྱུང་ཚེ། རྟ་ནོར་ར་ལ
   ུག་གང་རུང་ཞིག་རང་གི་བླ་མཆོད་ཀྱི་དྲུང་དུ་ཁྲིད་དེ་ཚེ་ཐར་གནང་རོགས་ཞེས་ཞུ་ད
   གོས་ཤིང་། བླ་མཆོད་དེས་མགོན་པོ་ཚེ་དཔག་མེད་ཀྱི་མཚན་གཟུངས་དུད་འགྲོ་དེའི་རྣ
   ་བར་བསྒྲགས་ཤིང་དུས་དེ་ནས་བཟུང་སེམས་ཅན་དེ་སྲོག་འཕྲོག་པའི་འཇིགས་པ་ལས་གྲོལ
   ་བ་ཡིན་པ་དང་། དེའི་བདེན་མཐུ་ལ་བརྟེན་ནས་སྦྱིན་པའི་བདག་པོའི་ཚེ་གེགས་ཀྱི་བ
   ར་ཆད་ཞི་ཞིང་། ཚེ་བསོད་རྒྱས་པ་དང་། སྦྱིན་བདག་དང་དུད་འགྲོ་བཅས་མཐར་ཐུག་མངོ
   ན་མཐོ་དང་ངེས་ལེགས་ཀྱི་གོ་འཕང་འཐོབ་པའི་སྨོན་ལམ་དང་ཤིས་བརྗོད་མང་དུ་མཛད་པ�
   ི་མཐར། ཚེ་སྐུད་ཅེས་པ་རས་སྣའམ་བལ་སྐུད་གང་རུང་ཚོན་དམར་ཅན་གྱི་རྣ་ཚར་ཞིག་གན
   ང་བ་དང་། སྦྱིན་བདག་དེས་རྣ་ཚར་དེ་དག་ཚེ་ཐར་གྱི་རྣ་བ་གཡས་གཡོན་དུ་འདོགས་པའི
   ་སྲོལ་ཡོད། དེང་སྐབས་གནའ་བོའི་ཚེ་ཐར་གཏོང་བའི་ཆོ་ག་སྤེལ་སྤེལ་ཚུལ་དང་ཅུང་ཟ
   ད་མི་འདྲ་སྟེ། དེའང་སྦྱིན་བདག་གམ་ཁྱིམ་ཚང་གིས་ཉིན་བཟང་སྐར་བཟང་ཞིག་ལ་ལྷ་ལ་
   མཆོད་བཤམས་དང་གཞི་བདག་འཁོར་སྲུང་ལ་བསང་གཏོང་སོགས་ཀྱི་སྒྲུབ་མཆོད་སྣ་ཚོགས་བ
   ྱས་ཏེ། ཁྱིམ་མིའི་ན་ཚ་བཟློག་པ་དང་། ལྷག་པར་དུ་ཁྱིམ་མི་རེ་རེ་ཚེ་རིང་བོ་ཡོང
   ་བ་དང་། ཚེ་གེགས་ཀྱི་བར་ཆད་ཞི་བ། ཚེ་བསོད་རྒྱས་པ། འདོད་དོན་འགྲུབ་པ་བཅས་ལ་
   དམིགས་ནས་ཁྱིམ་ཚང་གིས་ཚེ་ཐར་གཏོང་བ་ཡིན་ལ། ཚེ་ཐར་གཏོང་དུས་སྒོ་ཕྱུགས་དེའི་
   སོག་པ་དང་། ཐོད་པ། ར་མགོ་བཅས་སུ་མར་རྒྱན་འབྱུག་པར་བྱེད་ཅིང་། རས་སྣའམ་བལ་ས
   ྐུད་གང་རུང་སྟེ་ཚོན་དམར་ཅན་གྱི་ཚེ་སྐུད་དུད་འགྲོ་དེའི་རྣ་རྩེ་དང་སོག་པར་འད
   ོགས་པ། ད་དུང་དུད་འགྲོ་དེའི་རྔ་རྩེ་ནས་མགོ་བར་འོ་ཆུ་འདྲེས་མའི་ཆུ་གཙང་མ་ཞི
   ག་བླུགས་ཏེ་འཁྲུད་པའི་སྲོལ་བྱེད་ཅིང་། སླར་ཡང་མགོ་ནས་རྔ་རྩེ་བར་ཆུ་གཙང་མ་ཞ
   ིག་བླུགས་ཏེ་བཤལ་བ་ཡིན། དེས་མི་གཙང་བ་དང་བཙོག་གྲིབ་སེལ་བ་མཚོན་པ་རེད། མར་ར
   ྒྱན་འབྱུག་པ་དང་ཚེ་སྐུད་འདོགས་པ་སོགས་ཀྱི་ཞོར་དུ་ཁ་ནས་དེ་རིང་ནས་བཟུང་ཁྱེད
   ་རང་ཚེ་ཐར་དུ་བཏང་བ་ཡིན་པས་བཤས་ནས་ཤ་མི་བཟའ། བཙོངས་ནས་རིན་མི་ལེན། བཀོལ་ནས
   ་དོས་མི་འགེལ། བལ་རྩིད་མི་འབྲེག བཀྲ་ཤིས་པ་ཤོག ཚེ་རིང་བར་སྨོན་ཞེས་པ་སོགས་
   ཀྱི་སྨོན་ལམ་དང་ཤིས་བརྗོད་མང་དུ་བྱས་མཐར་ཚེ་ཐར་དུ་གཏོང་བ་ཡིན་ལ།གལ་ཏེ་ཚེ་ཐ
   ར་གང་ཞིག་ལོ་ན་བགྲེས་ཏེ་ཤི་བའམ་ནད་བྱུང་སྟེ་ཤི་བ་སོགས་ཡིན་ན། སླར་ཡང་གཞན་ཞ
   ིག་ཚེ་ཐར་གཏོང་བའི་སྲོལ་ཡོད། ད་དུང་ཚེ་གཡོག་ཅེས་ཚེ་ཐར་གྱི་རིགས་རྣམས་ལ་དམི
   གས་བསལ་གྱིས་རྒན་གཡོག་དང་སྲུང་སྐྱོང་བྱེད་པའི་སྲོལ་ཡང་མཆིས། ༼མཚོ་སྔོན་པོ་
   དྲ་བ་ལས།༽
   [web_26.gif]    [web_28.gif]
      [F2014102215461135567300892.jpg] [F2014102109242931067300719.jpg]
      [F2014102109241236967300718.jpg] [F2014102014384048867300691.jpg]
      [F2014102014381585267300690.jpg] [F2014102014020997267300680.jpg]
      [F2014102013490577267300673.jpg] [F2014102009325902667300626.jpg]
                      [F2014102008594464367300618.jpg]

ཕྱོགས་བསྡུས་གསར་འགྱུར།

     * ༄༅།།ནཱ་ལེནྡྲ།
     * ༄༅།།བོད་མི་རིགས་ཀྱིས་སྲོག་ཆགས་ཚེ་ཐར་དུ་གཏོང་བའི་སྐོར།
     * ༄༅།།སྟོན་པ་གཤེན་རབ་དང་ཤཱཀྱ་ཐུབ་པའི་བསྟན་པའི་ཁྱད་པར།
     * ༄༅།།བྱམས་པ་ཕུན་ཚོགས་ཙམ་པི་ཡ་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་50
       འཁ…
     * ༄༅།།ཀྲུང་དབྱང་སྒྲིག་ཨུད་ཀྱི་སྐབས་བཅོ་བརྒྱད་པའི་ཚང་འཛོམས་གྲོས་ཚོགས་ཐ
       ེང…
     * ༄༅།།བོད་རང་སྐྱོང་ལྗོངས་ཏང་ཨུད་རྒྱུན་ཨུད་ཀྱི་ཚོགས་འདུའི་ཐོག་ཏང་གི་སྐ
       བས…
     * ༄༅།།ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་ཆེད་ཁྲིམས་སྐྱོང་གི་འགན་ལེ
       ན་…
     * ༄༅།།ཏེང་ཞའོ་ཀང་གིས་ལྗོངས་ཏང་ཨུད་སྲིད་ཁྲིམས་ཨུ་ལྷན་གྱི་ཚང་འཛོམས་གྲོས
       ་ཚ…
     * ༄༅།།༼ཁྲི་གདུགས་ཉི་མའི་བུ་མོ་༽ཞེས་པ་ནང་སྦྱོང་བྱེད་པའི་དུས་མཚམས་སུ་སླ
       ེབ…
     * ༄༅།།ཞིས་ཅིན་ཕིང་དང་ཕུའུ་ཅིང་གིས་2014ལོའི་ཕུའུ་ཅང་གསར་གཏོད་གླེང་སྟེག
       ས་…
     * ༄༅།།ཞིས་ཅིན་ཕིང་གིས་ཀྲུང་གོའི་སྲིད་གཞུང་གིས་ཨ་ཧྥེ་རི་ཁ་གླིང་ནུབ་མའི
       ་ར…

   [F2014082211255891567300398.jpg]

   [e.gif?id=15458941;0]