[logo.jpg]

                                                               [topad.gif]

     * གཙོ་ངོས།
     * གསར་འགྱུར།
     * སློབ་གྲྭའི་གནས་ཚུལ།
     * ཁྲིད་གཞི་ལམ་སྟོན།
     * དཔྱད་རྩོམ་སྣ་ཚོགས།
     * སྦྱངས་རྩོམ།
     * ཆ་འཕྲིན་ལག་རྩལ།
     * རྒྱུན་ཤེས།
     * རྒྱུགས་གཞི།
     * ཆེད་སྒྲིག
     * སྦྱངས་རིས།

   གཙོ་ཚིག
   ____________________ བཤེར་འཚོལ།

                       དོན་གྲུབ་རྒྱལ་དང་ཁོང་གི་མི་ཚེ།

   སྤེལ་མཁན། དབང་གྲགས། ཡོངས་ཁུངས། ངེད་དྲ་བ། རྡེབ་ཚད། སྤེལ་དུས། 11/04/14

   མཐོ་འབྲིང་གཉིས་བཞི་འཛིན་གྲྭ། བསོད་ནམས་རྒྱ་མཚོ།


   བོད་ཀྱི་རྩོམ་པ་པོ་གྲགས་ཅན་སྐུ་ཞབས་དོན་གྲུབ་རྒྱལ་ནི་1954ལོར་ས་ལ་དགེ་བཅུ་
   ཚང་ཞིང་རི་ལ་ཤིང་སྣ་འཛོམས་ས།
   དགུ་ཆུ་སྔོན་མོ་ལྷུང་ལྷུང་འབབ་པའི་ཉེ་འགྲམ་དགུ་འགྱུར་པད་མོ་རོང་དུ་སྐུ་འཁྲ
   ུངས་ཤིང་།
   ཆུང་དུས་ནས་རྨ་ལྷོ་མི་རིགས་དགེ་འོས་སློབ་གྲྭ་སོགས་བརྒྱུད་དེ་སྤྱི་ལོ་1971ན
   ས་1974 ལོའི་བར་དུ་ཀྲུང་དབྱང་མི་རིགས་སློབ་གྲྭ་ཆེན་མོར་སློབ་གཉེར་མཛད།
   1978ནས་1981ལོའི་བར་དུ་ཀྲུང་དབྱང་མི་རིགས་སློབ་གྲྭ་ཆེན་མོའི་གནའ་རབས་བོད་ཡ
   ིག་ཞིབ་འཇུག་འཛིན་གྲྭའི་ནང་དུ་སློབ་སྦྱོང་བྱས་ནས་ཞིབ་འཇུག་པའི་མིང་བླངས།
   1981ལོར་《འབོལ་རྩོམ་ཞོགས་པའི་སྐྱ་རེངས》པར་དུ་བསྐྲུན་པར་རྒྱ་ཆེ་བོད་རིགས་མི
   ་དམངས་ཀྱིས་དགའ་བསུ་ཚད་མེད་བྱས་ཤིང་།
   དུང་དཀར་རིན་པོ་ཆེས་ཀྱང་ལོ་ངོ་གཉིས་ཙམ་གྱི་རིང་ལ་སྣ་འཛོམས་རང་བཞིན་གྱི་དཔེ
   ་དེབ་འདི་པར་དུ་བསྐྲུན་པ་ནི་མི་རབས་རྗེས་མ་དག་གི་མིག་དཔེ་ཡིན་ལ་རེ་འདུན་ཡང
   ་ཡིན་ཞེས་གདེང་འཇོག་ཚད་མཐོན་པོ་གནང་ཡོད།

   སྐུ་ཞབས་དོན་གྲུབ་རྒྱལ་ལགས་ཀྱི་ཆེས་ཐོག་མའི་རྩོམ་ཡིག་《མཚོ་སྔོན་བོད་ཡིག་གས
   ར་འགྱུར》དུ་བཀོད་པ་དང་།
   ཕྱིས་སུ་《སྦྲང་ཆར་》གཙོ་བྱས་པའི་དུས་དེབ་གང་མང་གི་སྟེང་དུ་བཀོད་པར་བཤད།
   ཁོང་གིས་རྩོམ་རིག་ལ་ཞིབ་འཇུག་དང་འཚོ་བར་ཟབ་འཇུག་བྱས་ཏེ།
   《སྤྲུལ་སྐུ》《འབྲོང་སྟག་ཐང》《སད་ཀྱིས་བཅོམ་པའི་མེ་ཏོག》སོགས་བརྩམས་ལ།《ལང་ཚོའི
   ་རྦབ་ཆུ》ཡི་རྗེས་མཐུད་དེ《རྐང་ལམ་ཕྲ་མོ》དང་《མི་རྟག་སྒྱུ་མའི་རྨི་ལམ》སོགས་བས
   མ་བློ་རང་བཞིན་དང་འཚོལ་སྙེག་རང་བཞིན།
   མི་རིགས་རང་བཞིན་དང་སྒྱུ་རྩལ་རང་བཞིན་ལྡན་པའི་སྙན་ངག་དང་ལྷུག་རྩོམ།
   སྒྲུང་གཏམ་མང་པོ་བརྩམས་པ་དེ་དག་ལས་ཁོང་གི་རྣོ་ངར་གྱི་པིར་རྩེ་འོག་ཏུ་རྗེས་
   ལུས་དང་རྨོངས་མུན་དག་གངས་ལྗོངས་ཀྱི་ར་བ་ནས་གནས་ཐབས་མེད་པར་བྱས།

   རྩོམ་དེ་དག་ལས《རྐང་ལམ་ཕྲ་མོ》ཡིས་བརྗོད་དོན་ཆུང་ངུས་དོན་དངོས་ཆེན་པོ་མཚོན་པ
   འི་སྒྱུ་རྩལ་གྱི་བྱེད་ཐབས་ལ་བརྟེན་ནས་སྲོལ་རྙིང་བརྟན་སྲུང་བྱེད་པའི་རྗེས་ལ
   ུས་ཀྱི་བསམ་པར་སྐྱོན་བརྗོད་བྱས་ཤིང་།《འབྲོང་སྟག་ཐང》གིས་སྐབས་དེར་རྩྭ་ས་རྩོ
   ད་གླེང་བྱེད་བཞིན་པའི་འབྲོག་པ་མང་ཚོགས་ཀྱི་ཕུ་ནུ་ནང་དམེ་བྱེད་པའི་དཔའ་རྟགས
   ་ལ་རྫོགས་ཚིག་བཀོད་པར་བྱས།
   ལྷག་པར་《ལང་ཚོའི་རྦབ་ཆུ་》ཡིས་བོད་ཀྱི་སྲོལ་རྒྱུན་སྙན་ངག་གི་ལྕགས་སྒྲོག་སིལ
   ་བུར་གཏོར་ཏེ་སྙན་ངག་གསར་བའི་ལམ་བཟང་ཡངས་པོར་ཕྱེས།
          ཁོང་ནི་བོད་གངས་ཅན་གྱི་རྩོམ་པ་པོ་མཆོག་ཏུ་གྱུར་བ་ཞིག་ཡིན་པར་མ་ཟད།
   རྒྱལ་ཡོངས་ཀྱི་ཕུལ་བྱུང་རྩོམ་པ་པོ་ཞིག་ཀྱང་ཡིན་ཏེ།
   ཁོང་གི་རྩོམ་རིག་ལས་ཚད་མཐོ་བའི་དུས་རབས་ཀྱི་རང་བཞིན་དང་བདེན་ལུགས་ཀྱི་རང་བ
   ཞིན། སློབ་གསོའི་རང་བཞིན་སོགས་མཐོང་ཐུབ་ལ།
   བོད་རིགས་ཀྱི་དངོས་ཡོད་འཚོ་བ་དང་གོམས་སྲོལ།
   བསམ་པའི་སྙེག་ཡུལ་སོགས་ཀྱང་མཐོང་ཐུབ།
   ཁོང་གི་རྩོམ་རིག་མང་པོ་ཞིག་ལ་རྒྱལ་ཡོངས་གྲངས་ཉུང་མི་རིགས་རྩོམ་རིག་སྒྱུ་རྩ
   ལ་གྱི་བྱ་དགའ་དང་། ཞིང་ལྗོངས་ལྔའི་བོད་རིགས་རྩོམ་ཡིག་སྒྱུ་རྩལ་གྱི་བྱ་དགའ།
   བོད་ཡིག་དུས་དེབ་སོགས་ཀྱི་རྩོམ་རིག་སྒྱུ་རྩལ་གྱི་བྱ་དགའ་ཐོབ་མྱོང་བ་མ་ཟད།
   ད་དུང་བོད་རྒྱ་ཡིག་སྒྱུར་གྱི་བྱ་བའང་འབོར་ཆེན་བསྒྲུབས་པ་སྟེ།《ཐང་ཡིག་གསར་ར
   ྙིང་ལས་བོད་ཆེན་པོའི་སྲིད་ལུགས་ཀྱི་ལོ་རྒྱུས》དང་《འདྲེ་འབོད་རྐང་གླིང》《སྙན་
   ངག་གི་རྦ་རླབས》《བྱ་
   ལེན་མ་མངོན་པར་དགའ་བའི་ཟློས་གར》སོགས་བོད་ཡིག་ཏུ་བསྒྱུར་ལ།
   བསྒྱུར་བ་དོན་དང་འབྱོར་ལ་ཚིག་གི་སྡེབ་ལེགས་པ་མ་ཟད།
   མ་ཡིག་ལས་འགྱུར་ཡིག་ཉུང་བའི་ཁྱད་ཆོས་ལྡན་པ་རེད།
          ཁོང་གིས་རང་མི་རིགས་ཀྱི་སྐད་ཡིག་ལ་རེ་བ་ནན་མོ་འཛིན་པ་ཡིན་ཏེ།
   ཤགས་འགྱེད《བོད་ཡིག་སློབ་པ》ཞེས་པའི་ནང་དུ་གཙོ་བོ་བོད་ཀྱི་དཔོན་པོ་ཁ་ཅིག་གིས
   ་བོད་དམངས་ཀྱི་མདུན་དུ་རྒྱ་ཡིག་ལ་མཁས་ཚུལ་སྟོན་པ་དང་།
   གཞན་རིགས་ཀྱི་མདུན་དུ་བོད་ཡིག་ལ་མཁས་ཚུལ་སྟོན་པའི་སྐྱུག་བྲོ་བའི་བྱ་སྤྱོད་
   ལ་མཚང་འབྱིན་བྱས་ཏེམཇུག་མཐར་བོད་ཡིག་གི་རིན་ཐང་དང་བཀོལ་རྒྱ་ཆེ་བ་བཤད་དེ་མཐ
   ོང་ཆུང་བྱེད་མི་ཉན་པ་བསྟན་ཡོད།
   ཁོང་གིས་ནམ་ཡིན་ཡང་རང་གི་ཕ་ཡུལ་གྱི་མི་དམངས་དང་གྲོགས་པོ་སྐོར་ཞིག་ལ་ང་ཚོས་
   ད་ལྟ་རང་མི་རིགས་ཀྱི་སྐད་དང་ཡི་གེགཙོ་བྱས་པའི་སྟེང་གཞན་གྱི་རིག་གནས་ལ་འབད་
   དགོས་ཏེ།
   ཞིང་ཕྱུགས་ཙམ་ནི་ཞོར་དུ་ཡོང་ངེས་ཞེས་རྒྱུན་དུ་གསུངས་བ་གཞན་གྱི་ངག་སྒྲོས་ལས
   ་ཐོས།
          དམ་པ་གང་ཉིད་1985ལོར་སྐུ་གཤེགས་མོད།
   ཁོང་གི་གསར་རྩོམ་གྱི་རྣམ་དཔྱོད་དང་བླ་ན་མེད་པའི་སྙིང་སྟོབས་དག་ནམ་ཡིན་ཡང་བ
   ོད་རིགས་གཞོན་ནུ་དག་གི་སྙིང་དབུས་སུ་གནས།
   གོང་མ།ཞོ་བསྙལ་ཚུལ།
   ཞོལ་མ།སྐལ་བཟང་མེ་ཏོག་སློབ་གསོ་རོགས་སྐྱོར་ཚོགས་པ།
   དཔྱད་གཏམ་ཡོངས་ལ་བལྟ་བ།
   འབོད་མིང་། ____________________ དཔྱད་གཏམ་གྱི་ནང་དོན།
   _____________________________________________
   _____________________________________________
   _____________________________________________
   _____________________________________________
   _____________________________________________
   _____________________________________________
   སྤེལ་བ།
   འོས་སྦྱོར་རྩོམ་ཡིག
     * ཕ་བོང་བཞིན་བརྟན་པའི་དགེ་རྒན་ཚོ།
     * གྱེས་ཁའི་མིག་ཆུ།༼མཐར་ཕྱིན་སློབ་གྲོགས་ཚོར།༽
     * ངེས་དོན་གྱི་བརྩེ་སེམས།
     * ཕ་མའི་རེ་སྒུག་དང་ངའི་བསླབ་འབྲས།
     * མདའ་རྩེད།
     * བོད་པའི་ཟས་མཆོག་སྦྲང་དཀར་རྩམ་པ།
     * ཆུ་ཕྲན་གྱི་རང་གཏམ།
     * སྲོག
     * བྱམས་ལྡན་གྱི་ཨ་མ།

   ཀློག་མཁན་མང་ཤོས།
     * ཨ་ཕའི་ལས་དབང་།
     * ཐོལ་བྱུང་གི་སྙན་ངག
     * གངས།
     * ང་རང་དབྱར་ཁ་ལ་དགའ།
     * སྔོ་ལྗང་གི་རྩྭ་ཐང་།
     * འཛིན་བདག་ལགས། སྐུ་དྲིན་ཆེ།
     * དྲིན་ཆེན་ཨ་མའི་དགོངས་པ།
     * མི་འགྱངས་བར།
     * མར་མེའི་འོད་སྣང་།
     * དོན་གྲུབ་རྒྱལ་དང་ཁོང་གི་མི་ཚེ།

   Copyright 2006-2014 Powered By jzschool 青ICP备06000522号 QQ:36150041
   དྲ་ཚིགས་འདིའི་པར་དབང་ཡོད་ཚད་གཅན་ཚ་རྫོང་མི་རིགས་སློབ་འབྲིང་ལ་དབང་།